嘉玲90後甫士變cute好easy
電影《最強囍事》前日於北京作首映禮，女主角劉嘉玲逐一點評她在電影中的多個造型，播到當中的o靚模扮相時令全場嘩然，她則淡然表示自己也可以學90後，更大擺多個可愛甫士，引爆高潮！
被黃百鳴稱為票房「玲丹妙藥」的兩大巨星劉嘉玲及甄子丹，於電影中合作而全城矚目。前日他們與古天樂、監製黃百鳴等出席《最》片的北京首映禮，臉部受傷的張栢芝則未能到場。身穿紅色風衣的子丹雖然走完紅地氈便急急離開，但仍無損嘉玲的靚爆心情，更於首映禮上對自己片中的百變造型逐個點評，而播到她扮o靚模的造型時更令全場嘩聲四起，嘉玲則悠然自得地說：「冇咩嘢啫，我都可以扮90後o架！」及後更擺出多個可愛甫士任影，讓鎂光燈閃個不停！「宇宙最強」的甄子丹於戲中飾演天才化妝師，把詠春和化妝術集於一身演出的他笑言：「導演話我片酬太貴，所以要騷幾下功夫！」
已是第六度合作的古仔及張栢芝被黃百鳴冠以愛情「天作芝合」美名，惜栢芝因早前於內蒙古拍戲臉部受傷而未能出席，「單拖」出席的古仔於現場為拍檔祈福，希望她能早日康復。
與古仔心有靈犀
首映禮上設有「換情侶」的環節讓演員一吐心聲，嘉玲及古仔竟不約而同寫下大老闆黃百鳴的名字，嘉玲更笑言：「我演過縣長夫人，但未演過老闆娘呢！」而作為《囍事》系列的締造者黃百鳴更得意的表示：「我哋呢個系列一向有搵時下最紅明星演出嘅習慣，如果冇我嘅努力，甄子丹係唔會出現喺呢部戲入面！」
文：影視組