歌手王梓軒昨日接受電台訪問，提到剛剛與香港中樂團合作的音樂會，他坦言唔夠喉，同時在演唱中發現自己演出時的弱點：「連續唱嘅時候會有攰嘅地方，同埋我好朋友莫文蔚同我講，有啲位置我壓場感會忽略咗。」
將於3月推出唱片及4月到日本宣傳單曲的王梓軒表示暫未有計劃舉行音樂會，考慮轉個形式與其他歌手合作：「如果莫文蔚肯帶埋我去表演就好，向來覺得佢嘅演出好型。」
