司馬燕周美鳳讚俠義好人
羅兆輝生前曾透露名媛司馬燕對他很好，對於羅的逝世，司馬燕感到十分可惜，並大讚他是個好人：「佢細我一年，我當佢係細佬咁，嗰陣我搞party，佢都冇托手幫我買枱。」她又指最後一次與對方見面是在加拿大，當時大家一起滑雪：「嗰陣佢已經有個毒瘡，而且個人都渾渾噩噩；其實佢好叻仔，不過有啲嘢真係整定，而且以前佢又自殺過，都預咗。」
社交界名人周美鳳亦稱讚羅是個俠義的人：「佢個人好有義氣，嗰陣我搞Ball，佢都幫我認購咗兩張枱，但其實嗰時佢已經唔掂，之後佢畀咗錢我，但就話唔會到，叫我畀朋友。」她謂如果在羅不濟時遇上他，她一定會將錢還給他。至於兩人最後一次見面已是十年前，在羅的遊艇上。至於姚煒也形容羅是一名醒目仔，只可惜沒有勇氣面對挫折。
