陳美詩（Macy）同歌手孫耀威（Eric）感情發展穩定，雖然早前有報道話佢哋分手，但Eric第一時間走出嚟否認，Macy亦話佢哋絕對冇問題，只係有部分傳媒斷章取義。Macy話：「呢單嘢係個傳媒睇咗我喺微博寫咗：『我又未至於想錘他，但我極想轉車！可惜附近都不是很熱鬧，我怕下車之後找不到車子……』佢哋以為我所講嘅車，就係講緊Eric。」Macy解釋其實佢所講嘅車就係的士。
Macy又話Eric早前不滿佢被海關人員「搜」下體，佢話：「我明白佢點解咁嬲囉！Eric仲話如果目擊我被關員摸身體重要部位就會打對方！梗係要啦！哈哈……我講笑啫。」認真冤氣。