鄭裕玲拒回應呂方「放監」
鄭裕玲（DoDo姐）、廖碧兒、黎瑞恩及張可頤等昨晚到場支持第三度公演的音樂劇《一屋寶貝》。DoDo姐被問會否支持前男友呂方三月開騷，早有準備的她表示：「預咗你哋咁問啦，我希望佢成功！其實我哋都分開咗三年咁耐，唔想次次有咩新聞都要走去問另一方。2011年喇，私人事唔再回應喇！」
對於呂方以「放監」形容與她分手，DoDo姐即說：「嗱，你哋冇聽功課啦，都話咗私事唔講吖嘛！」問及廖碧兒有否看近日有關她與陳豪的報道？她就笑說：「冇呀，希望大家可以關心多啲我嘅工作，遲啲會出trip同埋拍廣告。」她又否認形象插水而被投閒置散：「其實我不嬲都有接job，多謝客戶嘅支持。」
