圈中藝人借緋聞上位已經唔係新鮮事，不過最緊要係兩位當事人「你情我願」，否則畀是但一方踢爆都幾尷。早前「E Cup Baby」劉欣宜同男子組合4anda成員Jason拍拖，豈料二人首次約會時就被狗仔隊即時揭發，由於「E Cup Baby」事前沒有告知公司拍拖，令公司慶到話會雪佢，當時「E Cup Baby」大感委屈，覺得自己亦冇張揚，畀公司責怪好唔抵，不過當時她戀愛大過天，加上公司只是責怪她，她惟有將戀情盡量低調，希望公司諒解。
可惜隔幾個月後，二人戀情不堪壓力而分開，起初「E Cup Baby」對戀情依依不捨，但不少好友卻恭喜她可以及早分手，因自從拍拖後都被傳媒發現兩人行蹤，覺得有人不重視這段戀情，她思前想後認為好友所言有理，對這段情不再留戀，仲提醒好姊妹李蘊跟圈中人拍拖要諗清諗楚。