千嬅兜山路探親避災劫

楊千嬅本周一與老公丁子高到澳洲探親,剛巧當地第三大城市布里斯班嚴重水災,千嬅昨日出席活動時透露行程未受影響,只是前往黃金海岸不能行低窪地區要改行山路,還大讚當地市民樂觀,更目擊當地人趁機捉魚。

楊千嬅昨日穿上RIVER ISLAND黑色裙出席日本人氣組合EXILE活動,她透露剛由澳洲返港,她說:「今次主要係陪老公(丁子高)探親,順便度吓假。(水災喎?)落機先知咁大鑊,因為發生水浸時我哋喺飛機上面。」千嬅坦言未受影響:「只係落雨,冇影響行程。」

避過寒流免哮喘

千嬅表示往黃金海岸途經布里斯班,她說:「見到啲水浸到好高,我哋要兜山路行,唔可以行低窪地方,我見啲人好樂觀,完全冇事咁,見到市民喺度捉魚。」由於千嬅先行返港,問到會否擔心老公安全?她說:「擔心o架,佢仲亂噏話識游水。」問到此行是否度蜜月?千嬅說:「唔算,行程都幾辛苦,我知走咗幾日香港好凍,我避過咗唔驚哮喘發作。」

入選全球50美人

對於入選某網站的全球五十大美人之一,千嬅哈哈大笑說:「嘩!好緊張,勁喎,真係要多謝父母生我出嚟。」記者笑言日後可叫她做美人,千嬅即打冷震,由於王菲及劉嘉玲均入選,千嬅說:「我係後輩,真係受寵若驚,入行咁耐未試過有人咁形容自己,都係一件喜事。」另外,千嬅及丁子高分別在微博上載多張澳洲水浸的照片,並留言「希望他們平安,特別是留學生們。」

採訪:音樂組