趙哲妤拒賣身材做才女
趙哲妤（Uny）當選中國小姐大賽香港賽區五料冠軍，亦身兼Jelly Girls成員身份，稍後會再與全國佳麗較量，順利奪冠會獲電影試鏡機會，問到會否為拍戲而半裸？她說：「比堅尼已經係我底線，已經要同屋企人傾。」正修讀商科及新聞系學士課程的她目標是成為才女：「目標係做主播，睇吓中國小姐比賽有冇呢個機會畀到我，我想似才女，唔想騷身材，靠呢啲搵唔到好多錢。」
Uny在香港賽區決賽中以「高泳褲」遮尾龍骨上的紋身：「係16、17歲時紋嘅，當時紋到一半就喊，話還番紋咗嗰一半畀個紋身師傅，依家做娛樂圈又唔係咁方便，可能着衫少咗彈性，工作少啲，都想洗走佢，但怕痛。（冇影響比賽？）評判覺得我態度正面，當初只係因為偶像張栢芝喺同一個位置有紋身而紋。」
服裝及場地：Killah