黃智雯拍劇發惡鬧爆阿姐
港姐黃智雯（Mandy）在近期播出的新劇《居家兵團》中與汪明荃（阿姐）母女大鬥法，不時鬥嘴，黃智雯接受專訪時指開工時未有被出名嚴謹的阿姐鬧過，還得到阿姐「真傳」，她說：「阿姐嫌我鬧得唔夠惡，教我點鬧佢。」
憑劇集《搜下留情》「鵪鶉妹」彈出的07年港姐黃智雯，最近在新劇《居家兵團》中角色一百八十度大轉變，劇中飾演汪明荃女兒的Mandy非常反叛，在劇中經常與阿姐鬥嘴。問到Mandy有沒有被工作出名嚴謹的阿姐鬧過﹖她說：「冇喎，阿姐好好人，唔惡，都冇畀佢鬧過，佢仲好玩得，又好肯提點我哋點做戲。戲中我哋經常鬧交，佢有時仲嫌我唔夠惡，提點我點樣鬧佢添。」
拍到缺氧手震
Mandy猶記得拍攝時與阿姐鬧得最激的一場戲，她說：「嗰場戲係講阿姐發現我做咗別人的第三者，阿姐發晒癲咁鬧，我又駁嘴死撐，自己好少拍呢啲咁激情嘅戲，拍完好似缺氧咁，仲不停咁手震，都要休息十分鐘先平復到。」
Mandy在劇中經常與阿姐吵架，事緣她戀上有婦之夫王浩信，但Mandy指現實生活中絕不會做別人的第三者，她說：「自己未試過呢啲關係，亦唔會畀自己發生，唔鍾意呢啲咁複雜嘅關係。」
採訪：影視組 攝影：李廣成 場地、服裝：Miss Sixty