Debby離港一年 做電波少女
向來嚮往旅遊的「妄攝女」曾麗儀（Debby）最近作出重大決定，將變身「電波少女」到澳洲遊歷一段時間，相信必令fans牽腸掛肚。Debby憧憬澳洲農村及酒莊的樸實生活，故不會帶太多錢，希望屆時自給自足。她說：「我會周圍打工，做吓侍應同sales，唔介意辛苦，想經歷多啲，可能做埋清潔o架！」
Debby表示農曆新年後出發，問到此行去多久？她說：「想去一年，不過年中嗰陣哥哥會結婚，所以大約半年後都會返嚟。」單身的Debby坦言「冇嘢留戀」，問到如何處置愛犬喵喵？她說：「會交畀家姐照顧。（驚唔驚佢唔記得你？）唔會！我由細睇到佢大。」
