區新明同林海峰jam歌笑成晚
曾組「小島」、「凡風」及「新青年」樂隊的唱作人兼前DJ區新明（Joey）事隔十多年，再度重返香港樂壇，推出首張個人大碟，邀得多年好友包括林海峰、Joey Tang及Swing的Jerald一起Jam歌：「《齊齊整整》當年收錄喺軟硬大碟度，冇Plug到，今次喺電話邀請林海峰一齊Jam，佢一口就應承，再見面已經喺studio度。」
闊別樂壇多時，Joey錄好歌當晚極為興奮，攬住老婆送的結他躺在梳化上笑不攏嘴。他去年為樂隊比賽擔任評判後重燃創作之火，新碟《胡亂唱》有新歌之餘亦收錄了不少組Band時的舊歌：「朋友話買到復刻王，但聲唔夠靚，同埋重新編過曲，用依家嘅彈奏方法同錄音技術，幾新鮮！」下月26日Joey將舉行音樂會，暫定已有溫拿、Joey Tang等做嘉賓，屆時或大爆好友秘密！