羅敏莊捲人鬼情哭不停
日前羅敏莊（MiMi）、劉雅麗（Alice）及魯文傑為音樂劇綵排，三人在劇中分別飾演靈媒、大歌星及花弗男，綵排當日又唱又跳，生鬼投入！MiMi及Alice異口同聲表示劇本非常感人，綵排時經已決堤！
羅敏莊、劉雅麗、魯文傑及組合朱凌凌的朱栢謙日前為音樂劇進行最後綵排，三位好戲之人首次在舞台劇上合作，綵排時已擦出火花！音樂劇《一屋寶貝》今次已是第三度公演，MiMi表示首度公演時自己是座上客：「我睇完齣劇心諗：『如果搵我做就好啦』，點知之後監製真係搵我做第二次公演，好開心！」她又笑言老公陳國邦亦好「恨」參演，可惜要開劇不能抽身。Alice繼首度公演後再度回歸，在劇中演大歌星的她直言歌曲難度高，現階段要好好養聲，以求完美演出！
魯文傑做花弗男
《一》劇講述人鬼親情，MiMi與Alice自言在排戲時已喊唔停，Alice說：「要忍喊係最難，記得第一次演出喺後台睇佢哋做，喺幕後面喊到巴巴聲，要即刻補妝！」這次魯文傑加入演出，被公認為搶戲之人，問他如何搶戲？他搞鬼說：「可能我用咗Mr Bean嘅演繹方法，我角色好花弗，但出到嚟好麻甩，做番自己，效果幾搞笑！」另綵排當日飾演靈媒的MiMi與男主角朱栢謙又唱又跳，不乏搞笑肢體動作，至於Alice與魯文傑則以聲奪人。
文、攝：專案組