區文詩泰國放縱做骨精
餅碎區文詩（Angela）到泰國旅遊，今次豪花一筆入住五星級酒店，擁有私家碼頭，打開門即可跳落水暢泳，按摩按上癮的她又日日歎足幾小時，食方面更每餐都飽到嘔！
Angela早前偕友人到泰國華欣暢遊，這是她首次到當地，要由曼谷轉三個鐘頭車，她笑說：「我元旦嗰日去，前一晚做倒數活動搞到通宵，返屋企攞行李就出機場，我由飛機到轉車都係咁瞓，係點到達都唔知！」
今次四日三夜的行程令Angela豪花近萬元，她選了五星級Resort酒店，她說：「我第一次住呢啲酒店，好靚，每間房都有私人碼頭，喺露台推門出去就可以跳落水。仲有，當地美食又平又正，餐餐盡情叫，真係飽到想嘔，而每人都係一百元度。」
沙灘騎馬呼過癮
喜歡按摩的Angela每日更在酒店享受幾小時的按摩服務，她表示：「真係上晒癮，每日按足五、六個鐘，真係咩經脈都打通晒，好舒服。」她又試在沙灘上騎馬，說：「之前試過騎大象、駱駝，印象都係麻麻，但今次騎馬幾好玩，不過玩完先知大髀瘀咗一撻。」她直言買了大量檀香味的洗頭水、潤膚液做手信：「好好用o架，唔係度度有得買，我咪大量入貨，用咗半個篋載。」
文：音樂組