李文煊三年目標但求唔Hea
有「密實湯唯」之稱的一○年落選港姐李文煊（Elle），早前簽約無綫，一試做藝人滋味，她並未訂下最終目標，有家底的她，只求做好這份工。
斯文淡定的Elle，現年廿三歲，雖未正式接受過演藝訓練，但在英國讀書時曾經試過做戲，對演戲興趣甚濃，現已積極開始跟老師學廣東話、跳舞及演戲的她，已獲公司安排拍短劇機會。問到她自覺有甚麼長處與人競爭時，她輕鬆的表示心態好是她的優點，她不怕辛苦，只要有機會就一定會畀心機，她又認為自己可以有不同的造型，不介意剪短頭髮，總之甚麼形象她都願意嘗試。
不過，她亦知自己有很多缺點，例如廣東話不夠好，缺乏演戲經驗，甚至自己不夠主動去爭取演出機會亦都係缺點。但身高五呎八吋半的她，不認同自己身高也是缺點，始終香港高大的男生隨處可見。
給妹妹做榜樣
參選時被指「家底厚」，還以為Elle會放很多年時間去試，誰知她說：「初時諗住一年，但爹哋話太短，試三年啦，（目標？）睇吓自己啱唔啱呢行同做得開唔開心，唔一定要做女主角，但hea住過三年亦唔得，想快啲搵份工唔靠爹哋，至少搵夠生活費，爹哋話我英國讀書使好多錢，三歲使到依家，所以我都想獨立，做妹妹榜樣，我會視為非常有挑戰嘅一份工。」
文：影視組 攝：劉智源 場地：Hair（利舞台） 髮型：Terrence@Hair