陳霽平出書爆娛圈人情冷暖
活躍於主持界的陳霽平（Maria）透露今年要為自己訂下新目標，除了繼續主持工作外，更準備出書大爆圈中人情冷暖。她透露今年初已接到於澳門主持的通告，對於主持駕輕就熟的她卻表示是次對她有點難度：「今次係第一次要用普通話主持活動，不過都係花多少少時間啫，唔讀錯人名就OK！」
曾出英語教材的Maria又透露正籌備新書：「今次新書內容主要講娛樂圈嘅趣事，等啲外行人唔好以為圈內只有勾心鬥角。」但她亦透露其初出道時的「辛酸史」，她說：「我啱啱出道時同一個朋友一齊做主持，我本身想請教佢啲嘢，點知畀佢耍走咗！反而另一個唔熟嘅前輩教咗我好多，其實都幾感慨o架！」此外，Maria亦於今年訂下新目標：「我想戒夜瞓！希望可以十二點前瞓啦，咁樣嘅話唔止健康啲，連人都靚啲！」