小鬼當眾跪地求婚 林欣彤傻笑拒收花

「小巨肺」林欣彤率領巨聲成員胡鴻鈞、周志文、周志康，與台灣主持人小鬼（黃鴻升）、陳柏宇、蕭正楠、馮曦妤等一齊出席東港城商場活動，逾千粉絲一早到來霸位，逼爆商場。一眾歌手分成兩隊玩遊戲，原本只擔任評判的小鬼，見現場氣氛熱烈，即主動玩埋一份，並與林欣彤組隊齊做動作，當大電視出現「求婚」二字時，貪玩的小鬼二話不說拿着鮮花、單膝跪地作狀求婚，令現場Fans尖叫，林欣彤只懂仰天傻笑，不敢收花。

着重心思

林欣彤事後否認有尷尬：「好好笑，搞吓氣氛啫！（唔敢收花？）唔係，大家咁聰明應該估到。」她表示從未想過男友會用咁激的方法求婚，她說：「如果喺咁多人面前求婚都幾大壓力，都要睇吓係邊個求？最重要係肯花心思，簡簡單單都冇所謂。」她強調現在仍是單身，並繼續否認與林孝勇的緋聞，她說：「朋友啫，依家要專心工作同讀書，冇時間拍拖。」近日盛傳林欣彤入行數月已勁賺六位數，並有置業打算，她解釋：「賺到錢好有滿足感，對我嚟講算好多，因為唔需要再問父母攞，仲可以有多餘錢幫屋企，改善大家生活。」

林欣彤被小鬼當眾跪地求婚，令現場粉絲不停尖叫，搞到欣彤都唔敢收花。	左起：周志康、周志文、胡鴻鈞、小鬼、李幸倪、馮曦妤及蕭正楠一同出席商場活動。	陳柏宇（前）和蕭正楠扮鐵達尼號的經典場面，顯得有點尷尬。

文：專案組