潘瑋柏學畢佬領養細路
台灣歌手潘瑋柏近日四出宣傳新專輯，事業如日中天的他感情路上卻捧蛋，年屆三十的他曾揚言想三十五歲做爸爸，仍處於單身的潘瑋柏表示有意效法畢彼特領養小朋友。
【羅宛君台灣直擊】潘瑋柏於今日推出新專輯《808》，日前專程返台接受本報專訪，出道十年的他甚少緋聞，潘瑋柏不諱言曾有人勸他搞搞緋聞：「我知道緋聞係幫助到人氣，但唔係拍拖點能夠一齊出街。」性格過人的潘瑋柏直言不善於造新聞：「最緊要努力做好自己同工作。」
工作識女仔
潘瑋柏曾公開表示想三十五歲當爸爸，現年三十歲的他說：「我依家仲係單身，未有結婚打算。（點趕目標年齡做爸爸？）唔一定結婚先有BB，可能好似畢彼特咁領養小朋友。」問到家人是否接受？潘瑋柏說：「沒關係，最緊要係我做好心理準備同畀到時候去照顧。」問潘瑋柏為何不努力搵「老婆」？他笑說：「每日都係工作，最大機會認識女仔係工作時候。」
恨開香港騷
入行十年的他先後去過多個地方舉行演唱會，潘瑋柏唯獨未開港騷，他直言希望今年可在港舉行音樂會：「唔一定紅館，一千人、三千人場地我都想開，因為未試過喺香港開！」潘瑋柏早前為宣傳新歌《全面通緝》打了很多友情牌，問到為何不邀請偶像張學友？他笑說「唔敢打擾佢」。