周子揚彈連詩雅廚藝水皮
唱作男歌手周子揚（Hinson）日前與師妹連詩雅（Shiga）炮製愛心椰皇飯及牛油爆穀，慰勞一眾勞苦功高的同事，惟兩人在製作過程論論盡盡，Hinson更燙傷手及被爆穀「彈」到臉龐，幸無大礙，他說：「雖然過程有啲蝦碌，但完成後佢哋舉起手指公同腳趾公讚好味！」問到Shiga的廚藝如何，Hinson笑稱：「諗住女仔識煮嘢，原來唔係佢強項。（第時有女友要識煮食？）都係呀，原來唔識煮嘢食嘅女仔係會扣分。」
雖然Hinson彈爆Shiga水皮，但他就力讚對方是勤力女新人，她說：「佢喺啲頒獎禮攞到唔錯成績，佢好勤力。（獎勵佢？）希望可以寫首歌畀佢，或者同佢合唱，我哋把聲都幾夾。」