許廷鏗扮大學生過戲癮
「超級巨聲」許廷鏗及何紫慧等日前出席活動，對唱歌有濃厚興趣的許廷鏗，找到了第二最愛，他說：「最近有份參與TVB單元劇，扮演一個大學生，對白唔算太多，但我都睇熟晒劇本。導演話以新人嚟講，我嘅表現暫時都叫應付得嚟，雖然只有三日戲，但我已經好有戲癮，有機會都想再嘗試，不過我嘅最大興趣始終都係唱歌。」
而何紫慧則要為學校考試備戰，她說：「農曆新年都有活動要出席，亦都要返TVB拍嘢，（唔夠時間溫習？）其實又要做嘢又要溫習都好，可以提醒自己時間緊迫，要更加集中精神，唔可以hea，咁溫得仲入腦。」