朱真真趁潮生B湊個好字

朱真真做了四年有線娛樂台主播後，決定往外闖作新嘗試，以自由人形式接拍了不少電視節目，近來更加盟新經理人公司「TIFFANY artiste management」，希望可作多方面嘗試。

走訪不同國家

因為拍旅遊節目關係，她有機會探訪不同國家，上山下海樣樣都試齊，她說：「有次出發前先話畀我知去到要Bungee Jump（笨豬跳），跳嘅時候真係驚到出唔到聲！依家唔會再玩o架喇，年紀愈嚟愈大，驚心臟病發！」

廚藝突飛猛進

剛結婚一年左右的Judy很享受現時的新婚生活，希望可盡快生仔組織幸福大家庭，她說：「我覺得屋企愈多人愈開心，好想快啲生BB，最完美就係生一仔一女！」她亦不怕生仔會影響星途，笑言現時潮流興生仔！另外，早前她主持烹飪節目，令廚藝突飛猛進，她老公可謂是最大的「受益人」，她說：「我主持節目可以收錢之餘又可以乘機學煮飯，真係好着數！我諗我老公係最開心！」