鍾嘉欣當街摸肚 得個嬲字

鍾嘉欣日前與謝天華、吳卓羲及羅仲謙為劇集《抉宅男女》拍攝街景，劇中鍾嘉欣會與謝天華及吳卓羲發生三角關係，糾纏不清。吳卓羲笑言：「初時唔夠佢爭㗎，輸在無錢囉！不過其實係一個誤會，嘉欣係為咗幫我先會同佢一齊嘅。（最後邊個贏？）總之好人有好報，而天華又係一個衰人，你自己估啦！」謝天華則說：「我要同卓羲爭嘉欣。（邊個贏？）佢梗係唔夠我爭啦。」拍攝期間可見鍾嘉欣及吳卓羲於劇中關係親密，鍾嘉欣更伸手觸摸吳卓羲的肚。

羅仲謙不急搵伴

而羅仲謙則透露他對於與周秀娜合演的《婚前試愛》票房十分好大感高興：「好開心呀！如果過咗八百萬希望葉導演可以拍續集，不過係另一個故事囉。」而表示單身的他坦言現在會集中拍劇，不急於尋找新伴侶，一切只會隨緣。

放大圖片	日前鍾嘉欣、謝天華、吳卓羲及羅仲謙為劇集《抉宅男女》拍攝街景。

無留意林峯家事

另外，近日有傳林峯父親要求林峯退出娛樂圈接管家族生意，並催逼他結婚，身為緋聞女友的鍾嘉欣對此表示不知情：「吓！我唔知喎，無留意喎。依啲係人哋嘅事，唔關我事o架喎！（幾時結婚？）等神安排啦，依家知道結婚唔係玩，要時間去建立關係。」

文：影視組