阿倫慨嘆歌手疏離
溫拿五虎早前接受有線節目訪問，順道為演唱會宣傳。譚詠麟坦言開演唱會並非為賺錢，最重要是享受過程，不過他慨嘆樂壇今非昔比：「以前啲人會買翻版攞着數，依家連翻版都冇人買！仲有，以前樂壇好似個大家庭，人人見面會打招呼，但依家歌手間見面好少打招呼，最多只係點下頭，因為跟喺歌手側邊嘅人有啲架子。」
另外，阿倫透露將推出以春夏秋冬為主題的唱片，見證樂壇春秋。他說：「六、七十年代係春天，當時孕育唔少音樂人，到夏天百花齊放，秋天靚景處處。依家正值冬天，大家步入艱難時期，不過冬天好快過去，期待春天會再嚟。」