古仔按JJ胸盲摸摸
古天樂在賀歲片《最強囍事》中飾演神級化妝師，片中應劇情要求為JJ按胸，古仔尷尬得「硬晒軚」，惟有扮盲人按摩師搞氣氛遮掩尷尬。
古天樂在賀歲片《最強囍事》中扮演乸型神級化妝師，有場戲講到他應電視台邀請為新進模特兒賈曉晨（JJ）化妝，實情是想測試古仔性取向。古仔為顯神級化妝師的功架，化妝之前先為JJ按摩，希望令對方盡量放鬆，可是電視台卻特登整蠱古仔，先要JJ以事業線夾眉掃引誘古仔，測驗其定力，之後更要他為JJ按摩胸部，令古仔「硬晒軚」。
唔望敏感部位
享盡艷福的古仔表示：「劇情講述電視台想試我係直定攣，所以搵JJ嚟引誘我，第一關無問題，因為我慣咗平時拍戲都盡量唔望對手嘅敏感部位。但之後仲要我幫JJ按摩，開頭按面同頸都OK，不過之後佢要我按胸就真係有啲尷尬，咁我咪惟有扮盲人按摩師，等氣氛好啲，大家當笑料睇囉！」
有型男古仔化妝的JJ說：「拍完之後，所有人都話我會成為古仔fans嘅羨慕對象，不過我知古生怕尷尬，所以埋位前都有同我講一陣roll機會點做，叫我有咩唔對路就即刻嗌唔好喎！」
作品被指抄襲
另外，杜琪峯前晚在科學館出席「以色列電影節2011」開幕酒會，他透露正籌備由古天樂主演的愛情片，並計劃到香格里拉取景。杜琪峯對於新戲被指抄襲澳洲短片，他說：「佢話抄咪抄囉，冇所謂，拍嗰陣都已經有人話似。我都有睇過套短片，你問我實話唔似o架。其實係兩樣嘢。」
文：影視組