陳偉霆開心戀噏 爆阿Sa行奶奶政策
陳偉霆（William）新碟銷量直逼金唱片，昨日舉行「Heads or Tails」打得火熱祝捷會，為答謝歌迷支持，花三十萬特別包場招待過百fans齊齊打邊爐慶祝。William即席獲贈魚頭和牛尾，寓意事業由頭好到落尾，William抵死說：「唔係牛鞭已經好好啦！」
fans接受戀情
問到是否他找數？William笑言：「公司好錫我，今日有贊助嘅，應該唔使我畀，銀包我都專登放喺車。」唱片成績好，女友阿Sa可有給他獎勵？William坦言：「佢張碟賣得好過我喎！（會唔會趁機問fans接唔接受你同阿Sa戀情？）成日都問o架啦，佢哋冇一次話唔好喎。（阿Sa啲歌迷有冇對你愛屋及烏？）希望係啦。」
另外，原來William患了重感冒，問擔不擔心傳染給女友？他衝口而出說：「絕對唔會，我返屋企都會戴口罩。（你哋同居？）唔係，你哋誤會喇！」William表示暫時未想過同居，情侶拍拖都需要自由度。他又謂母親已見過阿Sa很多次，非常好傾。問到是否經常帶阿Sa見母親？William笑謂：「係阿媽帶我見阿Sa多啫。」
文：音樂組