周秀娜拒愛蕭敬騰 孖男友泰梳乎

Chrissie昨日穿上紅色紙藝浮雕旗袍，出席MCP新都城中心「大紅‧大"紙"桃花園」活動。露出長腿及三吋事業線的Chrissie，吸引不少龍友拍照及途人駐足圍觀。她表示首次穿紙製旗袍，即使要花一個小時去穿亦覺值得。

紙造女人脆弱

Chrissie笑言：「着咗之後郁唔到，又坐唔到，一定要企，紙造嘅女人比水造嘅女人更脆弱。」她透露農曆新年假期將與男友及其他朋友到泰國拜神。問到是否因男友對她大讚蕭敬騰而呷醋，所以要箍煲？她大方回應：「唔關事，我一路都好想做，每年都拜，都係以欣賞嘅角度讚啫！合作拍戲，唔關事。（會唔會避忌？）唔會避，喺嗰邊其他工作人員都好照顧我，蕭敬騰係其中一個。（男友去台灣有冇探班？）冇，因為拍攝嘅地點好遠。」

否認不和傳聞

另外，提到有關謝婷婷拒絕與她合作的傳聞，Chrissie表示沒有聽過：「我哋喺活動上都有打招呼，唔知點解會有呢啲傳聞。（有冇不和？）大家唔會唔啱，各有各做。（私底下有冇聯絡？）私底下冇，因為工作上少接觸。（會唔會嬲？）唔會，我覺得唔係佢講嘅，佢好大方得體。我哋一齊上過演戲課程，都有傾偈。」

文：名人組