廖碧兒被屈佗衰家阿姐出頭

昨日阿姐、廖碧兒、鄭嘉穎、苟芸慧、曹永廉及湯盈盈等為劇集宣傳，又大玩遊戲，鄭嘉穎將玩具嬰兒放進「孭帶」時，竟不慎露出紅色「孖煙囱」兼露毛，全場觀眾嘩然，不過嘉穎自己竟懵然不知，繼續與其他演員有講有笑，事後他表示抱着小孩時角度看不見自己有露毛。

未曾接受過訪問

近日有報道指阿姐不滿廖碧兒形象差而拖垮《居家兵團》收視，阿姐對此大感不滿：「我根本冇接受過嗰本雜誌嘅訪問，連電話訪問都冇！（係廖碧兒拖累？）黐線咩！一套劇嘅劇本最重要，啲觀眾唔會因為咁而唔睇囉！同埋個檔期好重要，撞正大時大節，所以我覺得咁嘅收視率（28點）差唔多喇。」她又表示從網上以及微博知道觀眾很喜歡該劇，特別是自己的表現，更是近年的代表作。

廖碧兒亦對該報道失實感到憤怒，澄清自己與阿姐都未曾接受該雜誌的訪問，經過一些專業人士給予意見後，她揚言準備發出律師信。

鄭嘉穎與廖碧兒兩位惹火人物，會否因今次「親密接觸」而鬧出緋聞？

鄭嘉穎玩遊戲時不慎露毛竟懵然不知。

親戚教路討公道

碧兒否認對收視低而感失望：「大家所講嘅最低收視得廿二點，其實唔係一個平均收視，而且又撞正係除夕，其實之後都有升番。（緋聞男友林忠豪知唔知？）佢唔知，係親戚叫我出律師信，因為我覺得呢啲係身為一個人要做嘅嘢，係對自己好。」她並不希望此事會影響到日後的工作機會。

文：影視組