基仔唔記得港台頒獎禮
歌手古巨基、楊千嬅、梁漢文、泳兒、鍾舒漫、張繼聰及黎耀祥等前晚出席《慈善星輝仁濟夜》，基仔更抱病上陣。對英皇歌手缺席港台的十大中文金曲頒獎禮，基仔雖然放假但抱病出埠，竟然完全「唔記得咗」頒獎禮：「我嗰日出埠去見啲設計師傾自己設計公司啲嘢。（有雜誌話你親自同陳志雲傾，要拎最受歡迎男歌手？）呢排答呢啲傳聞答到悶，我依家對頒獎禮嘅嘢冇話特別關心，好似之前港台頒獎禮我都忘記咗，總之我會同往年一樣支持頒獎禮，不過得獎與否唔係最重要。」
基仔可會倣效前輩宣布不領獎，免再答頒獎禮的傳聞？他說總有宣布不再領獎的一天，但不會是現在：「我轉咗去英皇冇幾耐，就算唔為自己，為幕後團隊同公司都會繼續去拎獎。」
至於視帝黎耀祥表演唱歌時略見吃力，他甫見記者即說：「甩鬼晒首歌，好肉酸，痛定思痛我可能會學番唱歌，惡補吓，報答番大家！」