樂易玲冇叫Amigo照肺
無綫製作及資源部總監樂易玲被追問可有召見崔建邦（Amigo），她表示最近忙於為公司埋數故無暇召見對方，但曾向負責的同事了解事件，只知道Amigo要請假一個月來處理最近所發生的事。
問到會否再給予Amigo機會，樂易玲說：「要了解咗先，我覺得佢咁大個人發生咗咁多事，自己應該知道點做，（警方有冇聯絡無綫？）都冇，（佢是否不自愛？）呢啲係佢私人事，就算之前發生嘅負面嘢都係佢私生活，喺工作上佢係OK，不過形象係有影響（如果真再犯會否解約？）『如果』唔答得，要等進一步情況。」另樂易玲透露無綫去年「好景」，今年員工將會加人工及出雙糧，加薪幅度至少可追及通脹。