不同國籍的藝人原來新年有不同過年風俗，潮州人林莉過年要食糉，馬來西亞人Mandy Lieu一年原來有幾個新年要慶祝，狂擦不同的美食，認真開心。
潮州人最重視一家人齊齊整整，林莉亦不例外：「屋企人最重視人齊，新年一定會包糉，我就最鍾意食糉。雖然細個時屋企都係重男輕女，但利是就一定係男女都一樣咁大封，唔會因為我係女而少啲。
黃婉佩家人在新加坡居住，但原來家鄉在馬來西亞，位置更鄰近摩摩茶島，她說：「我哋祖先鄉下喺大陸，所以新年嘅時候我哋都一定會食長麵線，意思就即係長壽。」
詩雅每年都會大費周章為屋企添新物品，寓意新年新開始：「我鄉下係番禺，新年最緊要係樣樣都要新，年三十晚前要換新床單、新睡衣，連拖鞋都要新，最特別係初一起身落床要踏住對新拖鞋，意思係新開始。」
