陳爽校內兼職好過做黑工
華裔小姐陳爽於2007年畢業於多倫多大學（University of Toronto），修讀經濟，原本家在哈爾濱的她，於中學時、約十多歲便隻身到溫哥華讀書，那時的生活，她坦言都相當孤單，要兩年時間才開始適應那邊的生活。陳爽說：「我冇親人喺嗰邊，一開始係同啲外國人家庭一齊住，大啲就搬去宿舍住，第一年成日都喊，嗰陣internet又唔係好方便，所以都係靠電話同家人一日一次通電，好孤單，而且多倫多經常落雪，周圍又凍又灰，環境都好影響心情。」
幸而讀上多倫多大學後，與不少華人同學成為好友，她才開始有自己的新生活，陳爽說：「因為呢間大學係全加拿大第一，好多叻人都想入去讀，而啲華人成績係特別好嘅，所以學校裏好多華人，大家都好親切，每逢新年、中秋等大時大節，大家都會聚埋一齊。」
問陳爽以前有否做part time幫補學費時，她坦言：「我哋啲國際學生係唔可以出去打工，到我讀最尾一年先放寬政策，以前我哋都喺學校入面做工，好似做house keeping咁，啲人工一定比出面高，而且好多嘢比做『黑工』有保障。」
「國王學院」出猛人
多倫多大學是加拿大著名大學，位於安大略省的多倫多市，是殖民時代加拿大最早建立的高等學府，早期更名為「國王學院」。校友當中，包括四位加拿大總理、多位最高法院大法官，更有多名諾貝爾獎得主。至於娛樂圈方面，台灣名模林志玲、香港藝人周家蔚及李思捷都曾於此大學就讀。