要親近唔使靠陳山聰 超雲150%拒絕追峯

賭王何鴻燊千金何超雲樣靚身材正，加上單身，因此緋聞層出不窮，還經常與周柏豪、張致恒等歌手扯上關係。早前有傳與林峯暗交半年的她，日前被指最近與無綫藝員陳山聰過從甚密，以借機親近對方的好友林峯。正與友人身在泰國的何超雲昨日接受本報電話訪問時否認傳聞，並澄清與陳山聰並非朋友：「我喺微博無乜同佢講嘢。如果我真係要搵林峯唔需要用佢呢個途徑，冇咁嘅事。」

隨後，超雲剖白她與林峯的Hi Bye Friend關係：「廿幾人出嚟食過一次飯，嚴格嚟講唔算係朋友。（咁未來係唔係朋友？）你要問未來，我唔知，我唔想拉人落水。（佢係咪你鍾意嘅類型？）無分類唔類型，你哋影過我好多戀情，個個都唔同Type。」新年時許願想搵個男友的超雲，被問到與林峯可有發展機會時，異常決絕兼肯定地答：「150%無，係150%呀！」

享受單身

另外，昨日超雲在微博上就有關緋聞寫道﹕「我很享受現在單身生活，希望各界不要再胡亂猜測！我也不希望再因我的私人生活會為別人帶來煩惱！」對於指被超雲借過橋，身在外地的陳山聰自嘲被傳與超雲玩微博卻換不到緋聞男友的稱呼，並表示他與超雲並不熟落，只係「Hi、Bye朋友」。

文：名人組