莊思敏被妹揶揄廚藝
模特兒莊思敏與港姐妹妹莊思明昨日為煮食節目《新派煮意》擔任嘉賓錄影，莊思敏坦言自己不懂得入廚，她說：「我連爐都唔識得開呀，如果工人放假我自己會淥杯麵食，不過今日上完節目學咗啲廚藝，都有番信心。」問到她男友吳浩康可有試過她的手勢？莊思明即搶住答：「見阿Deep（吳浩康）仲健在就知佢冇試過啦！」莊思敏即謂：「我都有煎牛扒畀Deep食，佢自己都識煮嘢食，佢都話我煎得好過佢架」
至於莊思明則表示懂得煮嘢食，她說：「我以前十幾歲讀中學時都會自己炒飯返學校食，都OK架。（係咪因為追男仔？）唔係！係想慳錢！不過我以前煲粥都鬧過一個笑話，我唔知要少啲米仲落咗好多，結果煲到瀉晒出嚟！」