何超儀攞獎唔貪心
何超儀與老公陳子聰成立的852電影公司獲頒創想生活大獎，昨日她領獎時直言是很大的鼓勵：「得獎名單有好多前輩，我哋咁短時間就有人認同自己做嘅嘢，好開心。」她透露今年將製作有關音樂的電影，卻大賣關子：「有可能係音樂劇。（同乜人合作？）唱得囉！（搵Eason？）唔排除，佢咁玩得，不過佢成日唔喺香港。（自己都演？）有位畀我就最好！」
她執導的《維多利亞一號》將競逐金像獎，問她有否信心？她笑說：「希望有，但好多大師同勁敵，劉 嘉玲都有兩個提名，我都預咗冇。（你都攞咗影后啦？）都係，不過喺自己home town得獎都好開心，我都係唔好咁貪心！」