丁子高度千嬅期趕生兔B
丁子高前晚放完新婚假期後首日復工，笑言：「擺完酒覺得好空虛，因為突然忙完冇得忙。（有時間造人未？）度緊架喇，要睇千嬅啲期，我想生兔仔，龍唔係咁好，趕唔切就要等到蛇年，媽咪就話唔使度，造咗先。」而新一年工作大計，就是自立門戶所成立的公關公司將會在港正式開張，名字是他與老婆英文名縮寫「RM」，他希望將來也會用此名字為BB改名。
同場的余安安孻女李文騫被問到母親早前跟一名男子約會的事，她說：「Uncle Kay？我都識，媽咪同佢係Old friend，傳媽咪同佢拍拖好好笑。媽咪依家冇拍拖，如果媽咪再拍拖我都OK，最緊要係媽咪開心。」
