陳法拉10℃拋胸搵銀

陳法拉前晚與陳豪以及任賢齊一起為BMW X3新車發布會擔任嘉賓，雖然現場氣溫只有十度左右，但法拉仍以性感低胸裙上陣，儀式完畢後她即披回外套保暖。她表示今次酬勞很滿意，她說：「希望再儲多啲錢可以買到呢架車。（叫男友買？）唔會，自己嘅嘢要自己買，今年（2010年）都叫做豬籠入水，做咗好多工作，當獎勵吓自己。」

為出碟損喉嚨

法拉透露最近忙於籌備出唱片，應該會在年中推出，她說：「呢幾日都有錄音同試音，唱到喉嚨損咗，有菌入咗去，尋日仲發燒，不過我冇睇醫生，食咗藥同埋喺屋企瞓，依家已經好番好多，但仲係周身骨痛。（男友有冇慰問？）都有嘅。（有冇話咁辛苦叫你唔好做？）唔係辛苦，係人都會病。」問到可有安慰受情傷的陳豪，她謂對方是個樂觀的人，遇到好女仔也會為對方留意一下。

薛世恒	林莉亦無懼寒冷天氣，以開胸入膊裙子亮相。	小齊（左起）、法拉及陳豪為大會作嘉賓。

網球一姐教路

另外，法拉昨日出席adidas by Stella McCartney活動時，就獲世界排名第一的女子網球手禾絲妮雅琪教她打網球。問到法拉跟男友被發現於西班牙旅行一事，她說：「自己事前已好保密，同經理人都只係講去歐洲，冇諗過去到當地都遇到香港人同埋畀人認得。」

文：名人組