傅穎憑感覺按快門
傅穎（Theresa）影相猶如揀男友，對眼前事物有感覺才會拍下留念，她說︰「我唔係嗰啲每碟餸都會去影嘅人，對有感覺嘅嘢先會去影，影每張相都有目的。」她表示最愛影風景和小動物，家中收藏大量這類型的照片︰「有時放工見到啲風景靚就會影低，因為嗰刻好難再出現，梗係影嚟留念啦！反而我唔鍾意影自己，有時自拍放上微博係為咗畀我啲fans睇。」
Theresa亦有拍下不少自拍照，有的是為了出版，她說︰「之前出書我會放好多自己嘅相，當然有自拍嘅，出書就會放入去。」
我唔介意畀人見到素顏，藝人都係人，會畀人接納，有時喺屋企就算冇化妝都會自拍，當係自己一個紀錄。
我會影低fans送畀我嘅嘢，呢兩隻鴨仔我好鍾意，係用嚟掛牙刷，而且兩隻係一對，感覺好sweet。
我好鍾意小朋友，有次喺南丫島做嘢喺沙灘見到個好cute嘅鬼仔，佢頭髮顏色同我一樣，我仲同佢玩沙灘波。
呢兩隻貓係朋友屋企養，我朋友成家身形都好「龐大」，連養嘅兩隻貓都好似主人一樣，佢哋一齊行成個波咁好得意。
之前拍電影難得早收工，喺車上見到日落，感覺好舒服好靚，其實我平時都好鍾意影天同雲，貪佢次次都有變化。