阿姐撐李居明夠勇搞粵劇
汪明荃（阿姐）及蓋鳴暉前晚出席由堪輿學家李居明成立的「盛世天戲劇團」舉行的晚宴，阿姐大讚李居明早前表示投資最少三百萬發展粵劇是勇氣可嘉：「佢咁大投資，對粵劇圈確係有好大幫助，所以我咪嚟支持下佢囉！」對於她與廖碧兒合拍的無綫新劇《居家兵團》收視差，阿姐聞言即強調：「呢個期算好o架啦，最高都有廿八點，始終係長假期。（爭取個好啲嘅期？）我點爭呀，係都監製爭取。」
蓋鳴暉自爆近三十萬的新車落地即禍不單行：「頭先落車就畀警察抄牌，我司機倒後開車走嗰陣，又被架的士撞到車尾，不過當破財擋災啦！」她表示平日李居明亦為她看流年命理，至於姻緣，她謂：「我會緣個姓『粵』叫『劇』嘅人，師傅話我就算有姻緣，都會畀對方『食住』，我諗過唔划算，所以都係隨緣啦！」