蘇永康唔敢認一哥
蘇永康昨日舉行記者會宣布加盟華星唱片，老闆之一的任賢齊亦現身撐場，康仔獲唱片公司送上一支1985年紅酒，跟他參加新秀歌唱比賽同年，並透露十一月假紅館舉行演唱會。被喻為「華星一哥」的康仔表示：「唔好咁講，小齊先至係永遠嘅一哥！」對於有傳他以千萬加盟，康仔自爆：「公司要求我一年內賺番一舊錢，但我三個半月已經搵到一半，唔係我叻，係公司犀利！（可以休息？）唔會，冇人會嫌錢腥！（上富豪榜？）唔係，有排都輪唔到我，許志安先係『許首富』！（你係富二代？）都好喎！」
此外，康仔好友梁漢文前晚出席活動時，對康仔加盟華星唱片大表支持，問到會否擔心將來Big Four難再一齊開騷？他說：「唔會，我哋計劃今年喺內地開騷，一個咁賺錢嘅組合，好多投資者都好樂意去做！」
