郭羨妮等相睇唔吼筍盤

三哥、郭羨妮、謝天華、賈曉晨等《抉宅男女》演員前晚進行煞科宴，三嫂也有隨三哥前來吃飯，但到場時三嫂卻刻意留後。問三哥是否因他與郭羨妮傳緋聞之故，他說：「唔係，佢哋都唔知幾friend。」三人其後一起合照，三哥大享齊人福左擁右抱，他笑說：「一個大一個細，佢（郭羨妮）喺劇裏面係做我老婆嘛。」

叫黃日華養

問到三哥可覺得郭羨妮是惹火尤物？他說：「邊係呀，我係佢fans，佢套套劇我都有睇，佢同馬浚偉、郭晉安都冇傳緋聞。」有傳黃日華有半億身家，但婚姻近期卻亮紅燈，三哥說：「咁養埋我啦，我哋仲搵緊錢。呢啲都好信，之前先同佢兩公婆食完飯。」

三哥左擁三嫂右抱郭羨妮，享齊人福。

賈曉晨出席《抉宅男女》煞科宴。

獲三嫂鼓勵

郭羨妮接受訪問時表示早前與三哥傳緋聞感到不開心，但三嫂的鼓勵卻令她很感動，認為經常傳緋聞可能與她單身有關。陳豪最近與廖碧兒甩拖成為圈中「筍盤」，郭羨妮則說：「唔知人哋啲嘢，我就唔夠膽呀，唔好搞我，唔想太多新聞。」

郭羨妮又自爆早前由朋友安排下相睇，她說：「幕前唔啱，都係等朋友介紹，不過之前就唔得。」郭羨妮也認同返大陸拍劇是行內趨勢，她說：「新年後都可能會返大陸拍劇，要賺番多啲。」

採訪：影視組