王祖藍皺眉幫Amigo祈禱
王祖藍昨日到電台為其兒歌碟宣傳，對好友崔建邦事件，他揚言會致電對方了解。見王祖藍眉頭緊皺，欲言又止，問他如何幫助對方？他說：「會幫佢祈禱，祝福佢。（信唔信佢冇揸車？）點都係好難，唔容易，希望佢過得好好，祝佢平安無事，經過上次官司佢變乖，佢心地好好。」王祖藍農曆新年會返教會傳福音，屆時會幫Amigo祈禱。
曾經醉駕被判罰停牌的謝天華，對崔建邦的事稱：「我係新例前嘅，唔需要上改進駕駛課程，我諗佢唔會咁大膽，係咪上緊課程先揸車？最好問番當事人。（停牌期間駕駛係咪好大件事？）真係唔知。」
