阿偉愛貓似狗又似人
RubberBand樂隊成員阿偉弄貓為樂，家中愛貓名叫Milk仔，屬英國短毛貓，現時十一個月大。阿偉指Milk仔是司機所送，因對方的母貓生了幾隻貓B，得知他是愛貓之人即轉贈。阿偉說：「佢真係好有靈性，識聽鎖匙聲。我每次未開大門，佢已經知我返，仲會不停咁咪咪聲叫，仲會企喺門口等我。」
除識聽聲後，阿偉形容他的愛貓不是貓，感覺像人又像狗：「佢雖然係貓，但唔食魚o架！有次我整魚肉畀佢唔食，但白烚雞肉就食。我又試過將魚肉撈雞肉，但Milk仔只會揀晒啲雞肉食。」阿偉覺得Milk仔性格好高傲，不愛被人抱，愛被人服侍，兼鍾情上鏡，非常有「人性」。
