Baby被爆愛私竇按腳

早前Baby在微博為死黨米扣扣的四層高一站式美容店宣傳，最近該新店開始試業，老闆娘米扣扣落手落腳搬運及企街睇貨，出心又出力。當日Baby因工作不能親臨撐場，其老友o靚模楊汀叮一早到場幫手，更放下身段企街派傳單張造勢。

儲錢開店

當二人發現記者拍攝時，汀叮非常識做帶隊參觀新店，還像導遊般邊行邊說：「最高層係賣家品及時裝，我最鍾意呢度嘅香薰，落一層係按摩服務，我哋成班朋友都好鍾意按腳。二樓幫客人修甲，再落一層就係Salon，以前都係同Janice Man、Baby做髮型嘅。」眼見好友搞得有聲有色，汀叮已計劃儲錢，希望開寵物美容店為愛犬扮靚。

Baby好友米扣扣與楊汀叮（右）齊齊企街派宣傳單張造勢。

汀叮大爆Baby最enjoy按腳服務。

一站式歎

而米扣扣談及今次的投資概念及金額，直認花了七位數字投資，又指業主起初不肯將四層樓全租給她，最後她以兩個月時間及誠意打動對方，曾經營Salon及時裝店的她因要兩邊走很辛苦，於是構思到若能搞一站式焗油、修甲、按摩就方便兼節省時間：「我哋以後就有個私竇聚會同扮靚，Baby雖然來去匆匆，佢最鍾意按腳，每次返香港唔按唔舒服，我哋嘅營業時間仲會比出面長，佢可以按番夠本。（收平啲？）梗係啦，佢係四層嘅VIP。」

Set頭 在同一大廈內整頭髮及修甲，更省時方便。

修甲

文：專案組　攝影：劉智源