梁烈唯右眼發炎開刀放膿
無綫藝人梁烈唯早前細菌感染令右眼發炎，日前他到醫院做手術，在眼皮下開刀放膿，令他大為緊張：「最痛係打麻醉針，要揭開眼皮打，痛到飛起！」而他全程均保持清醒，故短短十分鐘的時間已覺得十分漫長！他說：「手術好順利，好快就做完，但啲麻醉藥好快散，我一離開醫院就痛到即刻食止痛藥！」
手術後，唯唯即急急為新劇《飛虎》試造型及準備，他表示劇中將與馬德鐘爭奪苟芸慧：「開頭苟姑娘係同德鐘一對，但慢慢我攝吓攝吓，苟姑娘就鍾意咗我！」他又指最近要密密操肌，因同劇有不少高大猛男如馬德鐘、王浩信及羅仲謙，故要準備充足！