李天翔無懼定型︰我有進步空奸
無綫小花李思欣與男藝員李天翔，因經常合作拍劇而成好友，問到會否因朝夕相對而日久生情？天翔說：「今日唔知聽日事，思欣係一個好乖好叻嘅女仔。」另天翔直言無懼被定型，渴望繼續演奸角。
李天翔和李思欣因為合作拍劇而成為好友，兩人於鏡頭前充滿默契，鏡頭後亦談笑風生，不少電視藝員均由同事關係，升呢變成情侶，問天翔會否與思欣擦出愛火？他笑說：「吓？今日唔知聽日事。」而他亦大讚思欣：「佢係一個好乖好叻嘅女仔，好執着每場戲嘅演出，值得去讚同去幫嘅。」
入行多年專演奸角的天翔，曾與無綫花旦如胡定欣及鍾嘉欣等結劇緣，艷福不淺，而他因為奸得出色而為視迷認識，天翔直言渴望繼續演奸角。問到會否「恨」攞電視頒獎禮獎項？天翔說：「隨緣啦，好明白呢行遊戲規則。（怕唔怕定型畀人鬧？）未試過喎，證明我仲有進步空『奸』。」
恨演時裝劇
至於去年在人氣劇集《公主嫁到》，飾演五公主一角而備受讚賞的思欣，直言「恨」演時裝劇，她說：「我拍咗好多古裝同民初劇，時裝劇反而唔多。（有古典美？）監製話我唔係呢個朝代嘅人﹗」思欣直言近年因拍劇和登台而豬籠入水，更可一展歌喉，她說：「我都識唱歌，好鍾意王菲同容祖兒，歌喉都OK啦，唔係五音不全。」
文：專案組
李天翔—
髮型：Trinity@Belle
服裝：RVSR@子揚、Calvin
李思欣—
髮型：Tim@II
場地：DNA