周秀娜咀完羅仲謙濕晒

被譽為新一代「性感女神」的周秀娜，今年成功殺入影圈，電影接二連三當女主角，更同「萬人迷」林峯、「大隻肌肉男」羅仲謙以及「萬寧哥哥」沈志明輪住咀與拍超激床戲，成為「集郵女星」。主持人俞詠文當然要追問她與三位靚仔拍咀戲感覺如何？敢作敢為的Chrissie毫不尷尬，向鏡頭直說︰「同林峯拍咀戲之前我哋已經飲咗兩杯，所以咀完之後感覺好迷幻，而同羅仲謙咀完就feel到好濕！」此時已令身旁的俞詠文笑到捧腹，直指她的說話令人充滿幻想。其後為搞氣氛的Chrissie笑着解釋︰「係因為拍攝地方太細，而且好焗，係環境影響，大家唔好誤會。」

畀沈志明拮親

但到講「萬寧哥哥」沈志明時，她又繼續搞爛Gag直說︰「佢『拮』親我同搞到我紅晒！」她又謂因為對方經過整晚的拍攝，鬍鬚已生長不少，所以與他咀後令她嘴邊紅晒同被「拮」親，最後導演更下令沈志明即時剃鬚。

今年Chrissie在影圈發展不錯，而且戲份更愈來愈大膽。

今期《娛樂on Show》中，主持人俞詠文邀請到「性感女神」周秀娜受訪。

文︰專案組 　攝︰吳文聰