姚予晴火辣迎新男友未求婚
名模姚予晴（Mikki）昨日和Ana R.一同為「Fashion Visionaries時裝‧視野」活動行show，Mikki透露剛與男友到布吉過了一個火辣辣的新年，她說：「我哋倒數一刻一齊放孔明燈，都幾浪漫！（男友有冇求婚？）咁又冇喎，（之前計劃今年結婚？）呢啲嘢好難講，將來嘅事冇人知，隨緣啦！」
問到同公司的熊黛林被指擁郭富城家中鎖匙？她即力撐說：「佢哋都好多年啦，都應該！（戥佢開心？）開唔開心係佢自己嘅事，（因為城城一直唔承認？）可能到一個年紀就會想有個安定嘅環境，有個人喺背後支持自己，係一個支柱！」