Jessica C.返港 客戶找上門
闊別香港兩個多月勇闖荷里活發展的Jessica C.（JC）前日終於歸來，將逗留兩個多月，她說：「我三月中會再返去，我喺當地簽咗經理人，負責幫我安排modelling工作同拍戲。我都有試過鏡，但唔多，因為去到無幾耐就係感恩節，之後又聖誕，啲人充滿holiday mood，稍後才會有多啲試鏡機會，今年我都會放多啲時間喺嗰邊。」
JC又說：「今次去到當地心情比較輕鬆，係半放假半工作，經過呢個假期我更清楚自己嘅目標，要積極同主動爭取想要嘅嘢，好似我對演戲有興趣，就去爭取機會，以前係等人安排，依家唔會。嚟緊我會喺洛杉磯上有關演戲課程，先打好基礎，唔想一步登天。」雖然她離開香港一段時間，但客戶對她仍非常喜愛，她一回來已為一大型廣告Campaign進行拍攝工作，她說：「我唔會放棄香港市場，美國嗰邊嘅公司都好鼓勵我兩邊兼顧。」