英國New Wave傳奇樂隊Japan低音結他手Mick Karn日前癌病逝世。身為Band友的黃貫中感觸良多，受訪時表示對方的離世就像失去了一位好友：「真係好難過，Mick係一個天才音樂人，我一向都喜歡佢嘅音樂，01年仲膽粗粗搵佢幫我錄歌，點知佢真係應承，仲飛來香港幫我錄四首歌，佢返英國後，仲喺雜誌提及我嘅名，一啲架子都冇，真係好感動！」