欣宜處女碟面世喊唔停

鄭欣宜昨日為處女專輯《有故事的人》舉行新碟發布會,獲胡楓、李香琴、關菊英、江欣燕夫婦、王祖藍、毛舜筠、草蜢的蔡一智及蘇志威等藝人前輩兼老友撐場打氣。大會播放欣宜的新歌MV,穿上粉藍色西裝外套的欣宜,甫出場已感動到聲震震:「多謝咁多前輩抽空嚟見證我嘅大日子,能以歌手身份喺度,真係好感激、好感恩,好多人覺得我入行係理所當然,但係如果冇咗台下嘅人嘅支持,我唔會喺度,我會繼續鞭策自己!」說罷即感觸落淚。

近日忙於拍劇的鄭少秋,也特地抽空神秘現身支持愛女,又大讚欣宜十歲已有歌唱天分,並祝她的CD大賣,更透露會大手購入一百張唱片。肥姐沈殿霞生前好友陳淑芬亦感動落淚,她表示欣宜出碟是肥姐的願望:「短短六個月呢個願望已經達到,希望快啲達到肥姐同你嘅第二願望,就係開演唱會。」對男友Ryan未有現身,但欣宜表示已收到很多朋友的支持。

聖誕假期去邊度玩?
即上on.cc東方互動《享樂聖誕2010》專輯,為您一站式搜羅各類聖誕消費情報!