李曼筠心口落閘傷痕搶鏡
一向憑34D導彈身材出位的李曼筠，昨日身穿開胸短裙出席apm賀年活動，可惜被打底衫遮掩事業線，更被同場擁有33C上圍的徐自賢搶盡風頭，但李曼筠被記者發現身上有傷痕，才得以將焦點放回自己身上。
李曼筠（Maggie）、徐自賢和鄺敏慧昨日出席apm「百變潮兔『型』新歲」活動，擁有34D身材的Maggie忽然「讓賽」，雖然開胸短裙，但被內穿的打底衫遮掩事業線，即被有「翻版常盤貴子」之稱的徐自賢追擊，穿上低胸露背的她成功搶鏡，表現風騷。
自知被搶風頭的Maggie，其後攬住兔仔公仔夾出事業線，可惜無補於事，後來她解釋衣服是由大會安排，下次會向要求性感一點。她笑說：「天氣凍，我有其他頭，例如膝頭。」
自稱被貓抓傷
早前Maggie被發現身體離奇有多處傷痕，昨日再發現其胸骨和大腿位置有傷痕，她說：「係呀，因為我啱啱養多隻貓，上個星期帶佢去絕育，之後畀佢抓傷，好彩唔係抓低啲！依家搽去疤膏同魚肝油，聽人講搽魚肝油會快啲好。（大腿呢？）之前擒高擒低，唔小心畀螺絲整到。」
成功搶鏡的徐自賢自嘲脂肪多不怕冷：「因為喺室內，同埋見到咁多人望更加興奮。（再性感啲？）冇問題，我對自己身形有信心。」
文：專案組